قــصـيدة في أبــو مــتــعــب

في حكم ابومتعب زهت نظم الاشعار*
اللي البشاير هي بـــــــداية قــــراره*
حبه سكن برواحــــــــنا سر وجـــهار *
له صورة فيها الفــــــــرح والــــبشاره*
صـــوره بها كل التبــــــاشير والكــــار*
للمــــــجد عنوان وللعـــــــز شـــــاره*
وشعب وفي دون الوطن درع وستــار *
بالتضحيه دون الوطن وازدهـــــــــــاره*
بدارٍ علمها فيه عنوان وشعــــــــــــار*
به كلمـــــة التوحيد دايــم اشعـــــاره*
داره بها ميزه على كل الاقطــــــــــار*
وياحظ من دار الحرم من ديــــــــــاره*
وطيبه مقر للنبي خير مختـــــــــــــار*
سبحان ربٍ ارسله باختيـــــــــــــــاره*
مبشر للخلق بشير وانـــــــــــــــــذار*
وحنا على نهجه ونتبع مســـــــــــاره*
في ديرةٍ دستورها نهج الاخيــــــــــار*
دستورها القرآن هو الاستشـــــــــاره*
هذا وطنا دار وافين الاشبـــــــــــــــار*
دار الفهود ودار ندر حــــــــــــــــــراره*
ندر حرار وساسهم ندر احـــــــــــــرار*
والحر الاشقر منزله راس قـــــــــــاره*
دار الرجال اهل الكرم وقت الاعســـار*
ماهي تحسب ربحها والخســـــــــاره*
ذباحة للحيل لو الزمن جـــــــــــــــــار*
والضيف لامن جا يحصل وقـــــــــــاره*
تلقى مجالسهم بها بن وبهـــــــــــــار*
كيف لهم ما غيـــــــــرته الحضـــــاره *
قبايل تكرم الضيــــــــف والجــــــــــار*
ولا تعشى الجــــــار من دون جــــاره*
وخويهم يلقى معـــــــزه ومقـــــــدار *
وان جاه حيف وقفوا لانتــــــــصــــاره*
اهل الشجاعه مايدارون الاعـــــــمــار*
إلا قدح راس الزند بالــــــــــشــــراره *
ولا جات حرب وثور الجو بغـــــــــبــــار*
اهل مواقف تنعرف بالجـــــــســــــاره*
يشهد بها الخفجي بعد ردة الـــــــثــار*
يوم اللهب يلهب وزاد استــــــعــــــاره*
يوم البوارج تقصف بوسط الابــــــحـــار*
والطايرات تصد غـــــــاره بــــغـــــــاره*
وأهل الكويت لدارنا جـــــــــــــــاو زوار*
يوم الكويت يقول ياهل الــــــنــعـــــاره*
خذنا قضاها مارضينا لهــــــــا الـــــعـار *
عدوها حنا السبب بانـــــــــهـــــيـــــاره*
نرسي الى حاكو لنا الشر الاشـــــــرار *
اللي يحوك الشر ياتـــــــي دمـــــــــاره*
قمنا الين الضد ولـــــــى بالادبـــــــــــار*
قمنــاوجبــــنا الثـــــــــار لعيــون ساره *
كل ابلجن صلفن على المــــــوت جبــار*
يقدم ولو موته وقف بانــــــتــــضــــــاره*
وشوارتس كوف قالها وســط الاخبـــــار*
مستغرب من شوف فــــعــل النمــــاره*
على الخطوط الاوله وسط الاخــــــطــار*
شوفت عيونه بالوضوح بنــــــــــــهــــاره*
اللي عليه الدور في شبة الــــــــــنـــار *
يقرب دلاله ويشـــــــــتب نــــــــــــــاره *
ويعلقون الحـــــــيــل في راس شنكــار *
والدله الصفـــــــــراء يزود بهـــــــــــــاره*
ماهمهم لو صاح صفـــــــارة انـــــــــــذار*
ولا هزهم قصف العدو وانـــــــــثبــــــاره*
ماهمهم ضجة رحا الحـــــــــــــرب لا دار*
اللي شجاعتهم بحزم وجــــــــــــــــداره*
كل ابلجن في ساحة الحرب مــــــغـــوار*
فيه الشجاعه سلم جد ومهـــــــــــــــاره*
ذكرت بعض افعالهم بــــــــــس تذكــــــار*
قول على فعل صحيح الــــــعـــبـــــــــاره*

تــــــــــــــحــــــــــــــــــــــــــاتــــــــــــي

اللهـ اطول بعمره وخليهــــ لكم



تحياتي

أمــيـن للأمة العربية يارب

العفووووووووووووو ..
بس ليييييييش خطيره ..؟؟؟؟

أكيد أبو متعب يستاهل .
يسلمووووا ع المرور .

يستاهل ابو متعب


والله يخليه ذخر لكم وللاممه العربيه


ولا هنتي غلاي :)

تسلمين
والله يخليه لنا